यस्यार्थास्तस्य मित्राणि
यस्यार्थास्तस्य बान्धवाः ।
यस्यार्थाः स पुमान् लोके
यस्यार्थाः स च पण्डितः ॥
Whoever is wealthy, is the one who has friends.
Whoever is wealthy, is the one who has acquaintances (kith and kin).
Whoever is wealthy, is the man in this world!
Whoever is wealthy, is also a great scholar.
दानं भोगो नाशस्तिस्रो
गतयो भवन्ति वित्तस्य ।
यो न ददाति न भुङ्क्ते
तस्य तृतीया गतिर्भवति ॥
Read more...
यस्यास्ति वित्तं स नरः कुलीनः
स पण्डितः स श्रुतवान् गुणज्ञः ।
स एव वक्ता स च दर्शनीयः
सर्वे गुणाः काञ्चनमाश्रयन्ते ॥
Whoever has lot of money, he has a great family background. He is a well-educated scholar, a great orator and a patron of good qualities. He is handsome too. Affluence is self-contained with all good qualities.
पुस्तकस्था तु या विद्या
परहस्तगतं धनम् ।
कार्यकाले समुत्पन्ने
न सा विद्या न तद्धनम् ॥
दुःखं दुःखमिति ब्रूयात्
मानवो नरकं प्रति ।
दारिद्र्यादधिकं दुःखम्
न भूतं न भविष्यति ॥
क्षणशः कणशश्चैव
विद्यामर्थञ्च साधयेत् ।
क्षणे नष्टे कुतो विद्या
कणे नष्टे कुतो धनम् ॥
गौरवं प्राप्यते दानात्
न तु वित्तस्य सञ्चयात् ।
स्थितिरुच्चैः पयोदानाम्
पयोधीनां अधः स्थितिः ॥
अजरामरवत्प्राज्ञो
विद्यामर्थञ्च चिन्तयेत् ।
गृहीत इव केशेषु
मृत्युना धर्ममाचरेत् ॥
अधमाः धनमिच्छन्ति
धनं मानं च मध्यमाः ।
उत्तमाः मानमिच्छन्ति
मानो हि महतां धनम् ॥
जलबिन्दुनिपातेन
क्रमशः पूर्यते घटः ।
स हेतुः सर्वविद्यानां
धर्मस्य च धनस्य च ॥
पिपीलिकार्जितं धान्यम्
मक्षिकासञ्चितं मधु ।
लुब्धेन सञ्चितं द्रव्यम्
समूलञ्च विनश्यति ॥
चलं वित्तं चलं चित्तम्
चले जीवितयौवने ।
चलाचलमिदं सर्वम्
कीर्तिर्यस्य स जीवति ॥
दातव्यं भोक्तव्यं सति
विभवे सञ्चयो न कर्तव्यः ।
पश्येह मधुकरीणां
सञ्चितमर्थं हरन्त्यन्ये ॥
